Ástarkvæði Megasar á Þjóðlagahátíð

Megas

Ástarkvæði og mansöngvar Megasar.
Á fimmtudagskvöldið munum við Óttar flytja á Þjóðlagahátíð Siglufjarðar ásamt Aðalheiði Þorsteinsdóttur píanóleikara og Tómasi R. Einarssyni bassaleikara frægustu ástarkvæði Megasar í tali og tónum. Þau eru oft tvíræð og koma á óvart, lýsa tilfinningahita sem bæði hrífur og hræðir. Árið 2015 gaf Óttar út bók um verk og ævi Megasar: Esenis, tesenis tera, viðrini veit ég mig vera. Óttar segir sögur af Megasi á tónleikunum og túlkar kvæðin sem ég syng lögin ásamt þeim Aðalheiði og Tómasi. Dagskráin verður í Bátahúsinu og hefst kl. 21.30 á fimmtudagskvöldið. Allir velkomnir.

Tómas R. Einarsson
Aðalheiður Þorsteinsdóttir píanisti